X’jaħsbu l-Ewropej dwar is-sustanzi kimiċi?
L-istudju tal-Ewrobarometru ta’ kważi 28 000 persuna fi 28 pajjiż juri li 65 % huma mħassba dwar li jiġu esposti għal sustanzi kimiċi perikolużi, 26 % kienu mħassba ħafna u 39 % kienu ftit imħassba.
Il-livell ta’ tħassib ivarja skont l-Istat Membru tar-rispondenti, b’dawk fl-Ewropa ta’ Fuq li ġeneralment iħossuhom aktar infurmati u inqas imħassba minn dawk fl-Ewropa t’Isfel. Minkejja dan, f’kull Stat Membru, tal-inqas nofs ir-rispondenti wrew xi livell ta’ tħassib.
Il-pittogrammi tal-periklu huma ta’ għajnuna?
L-istħarriġ ħares ukoll lejn is-sensibilizzazzjoni taċ-ċittadini tal-pittogrammi tal-periklu. Minkejja l-fatt li ċ-ċittadini seta’ kellhom opportunità limitata biex isiru familjari mal-pittogrammi l-ġodda, xi wħud diġà huma familjari ħafna magħhom.
- 92 % raw il-pittogramma “fjammabbiltà” u kważi kollha (96 %) kienu jafu t-tifsira tagħha.
- Fin-naħa l-oħra tal-iskala, 20 % biss għarfu l-pittogramma “periklu serju għas-saħħa”.
Iċ-ċittadini jaġixxu wkoll fuq l-informazzjoni pprovduta fuq it-tikketti:
- 76 % jaqraw l-istruzzjonijiet dwar is-sigurtà,
- 57 % jaqraw l-istruzzjonijiet fuq it-tikketta, u
- 19 % ifittxu wkoll għal aktar informazzjoni.
Iċ-ċittadini huma aktar pożittivi dwar il-prodotti tal-UE?
Kważi nofs ir-rispondenti, 47 %, ħasbu li l-prodotti mmanifaturati fl-UE huma aktar siguri minn dawk prodotti x'imkien ieħor. 5 % biss ħasbu li l-prodotti minn barra l-UE fihom sustanzi kimiċi aktar siguri.
Huwa interessanti li, daqs 30 % kellhom ftit fiduċja f’li - jew jemmnu li la l-prodotti mmanifatturati ġewwa l-UE u lanqas dawk barra minnha ma fihom sustanzi kimiċi siguri.
Iċ-ċittadini jaraw titjib
Ir-rispondenti tal-istħarriġ ġew mistoqsija wkoll jekk ħasbux li s-sigurtà tal-prodotti li fihom sustanzi kimiċi tjibitx jew marritx għall-agħar, meta mqabbel ma’ 10 sa 15-il sena ilu.
- 44 % jaħsbu li s-sigurtà tas-sustanzi kimiċi fil-prodotti tjiebet fl-aħħar 10 sa 15-il sena;
- 33 % iħossu li hija ftit jew wisq l-istess; filwaqt li
- 16 % iħossu li marret għall-agħar.
Aqra aktar
-
generalKif jiġu kkontrollati s-sustanzi kimiċi?
Il-ħajja ma tkunx teżisti mingħajr sustanzi kimiċi - dawn huma preżenti fina, madwarna, u f’kull prodott li nixtru. L-Unjoni Ewropea għandha l-aktar liġijiet ambizzjużi dwar is-sustanzi kimiċi fid-dinja biex jipproteġuna. Kemm il-kumpaniji kif ukoll l-awtoritajiet għandhom rwol x’jaqdu fit-titjib tas-sigurtà.
-
generalL-industrija se tirreġistra s-sustanzi kimiċi
Fis-suq insibu eluf ta’ sustanzi kimiċi differenti. Dawk użati fl-Ewropa u li jiżnu ’l fuq minn tunnellata jridu jiġu rreġistrati sabiex inkunu nistgħu nsiru nafu aktar dwar l-impatt potenzjali tagħhom fuq saħħitna u l-ambjent.